Comune de Su Burgu
In su 2025 sunt comintzadas sas atividades de s' Isportellu de Limba Sarda” de su comune de Su Burgu, pro mèdiu de su progetu “Aposentos de Limba Sarda”, unu progetu chi interessat 10 comunes: Anela, Benetutti, Bòtidda, Bultei, Su Burgu, Isporlatu, Illorai, Noragùgume, Nule e Bono comente capu-fila de custu assòtziu de comunes.
Sa realizatzione de su progetu est istada possìbile gràtzias a sos finantziamentos dados dae sa L.482/99 e de sa L.R.22/2018 tràmite su Bandu Regionale TuLis.
Custu progetu, curadu dae s'Istitutu Chircas, est istadu retzidu cun meda piaghere e atentzione dae su Sìndigu Leonardo Tilocca, su vitze sìndigu Salvatore Sechi e dae totus sos amministradores comunales.
Su traballu de sos operadores de isportellu est su de chircare de fraigare unu ponte intra mannos e minores, pro chi su su patrimoniu linguìsticu, istòricu e culturale no andet pèrdidu. Su fine est fintzas su de permìtere chi sa Limba Sarda siat unu puntu de riferimentu linguìsticu pro aziendas, assòtzios, tzitadinos e prus nche àteru pro sas istitutziones iscolàsticas e pro sos giòvanos.
S'operadore incarrigadu dae s'Istitutu Chircas at a èssere Francesco Pitta e est a dispositzione pro tradutziones, consulèntzias, dimandas e assistèntzia pro cale si siat chistione, progetu, traballos o curiosidade subra a sa limba e a sa cultura sarda.
Lu podides agatare in Comune in sas dies e in sos oràrios elencados suta, e at a pòdere èssere cramadu a sos nùmeros: Francesco 3662474725 o cuntatadu in sa pàgina Facebook “Isportellos de Limba Sarda –Istitutu Chircas”.
Giòbia 17 de Abrile 09:00/13:00
Giòbia 15 de Maju 09:00/13:00
Giòbia 5 de Làmpadas 09:00/13:00
Giòbia 24 de Trìulas 09:00/13:00
Giòbia 21 de Austu 09:00/13:00
Giòbia 25 de Cabidanni 09:00/13:00
Giòbia 23 de Santu Gaine 09:00/13:00